主題特集鼎泰豐 Din Tai Fung
 
選擇小份量小但勝在服務好
04/09/2010
|
獨沽一味
05/06/2010
依餐慶祝姨仔舅仔生日飯
 ，梗係要請佢哋食好D啦，名店或人龍店晌質素方面就比較穩陣，所以就揀哩鼎泰豐喇，知佢無得訂位，就由小弟負責攞位，星期日6:00pm到，幫襯晚市嘅人陸續入座，我都唔係排好耐就有枱喇！其後更係見好多人晌門口等，所以一係唔哩，一係就早D，食佢晚市嘅第一輪客，否則就有排等！我哋一枱人6大2細，見佢樣樣都份量細細，所以都叫咗好多嘢：紹興醉雞、糟汁靚鴨舌、小籠包（6隻）x2、蟹粉小籠包（6隻）x2，糯肉燒賣、油豆腐粉絲湯、清炒芥蘭、蒜蓉菠菜、排骨湯麵、紅燒牛肉湯麵、蝦肉餛飩麵、蝦仁蛋炒飯、傳統千層油糕、赤豆鬆糕、八寶飯（細），連埋茶錢加一，一共990個大洋，你見都係D前菜、小食、點心類同粉麵飯，都食咗成近千銀，所以老實講句唔算平，係叫做唔使坐飛機過去食，問我值唔值？都OK嘅，因為小籠包確係高水準，醉雞、鴨舌、牛肉湯麵都好食，其他就只覺係平平無奇喇！服務方面，除咗久唔久問你「仲有無嘢加」之外，都無其他擾民動作，上菜動作超快，不過，始終個場好旺，侍應都招呼唔徹，變得收碟、斟水等閒事有時會慢幾拍，佢哋總算時刻保持住笑臉迎人，況且又無催埋單D衰嘢，整體服務評分可以俾中上架啦。另外唔明點解佢哋唔俾訂枱，唔使吓吓要人走去排餐懞，唔通佢對自家無信心，怕好多人訂咗枱會甩底做少好多生意，定抑或吸引唔到即場客補番甩底嘅訂枱客？相信都係營銷策略，要食就要哩排，吊高哩賣，等多D人晌門口企住等位，營造超旺場氣氛！香港人一向怕蝕底，捉晒心理，等得耐都去排，所以，小弟食過之後，獨沽一味小籠包外，都無必要再哩，除非可以訂枱。 因為唔係樣樣都話咁好食，平平無奇個D就唔多講，費時又嘥版位，揀幾道菜同大家分享吓： 小籠包、蟹粉小籠包  - 皮薄、湯汁盪漾，真係夾起上哩都怕佢穿呀，小心夾，又要小心熱，因為湯汁好辣口，而肉餡味鮮打得夠鬆唔死實，仲無乜肥豬肉唔覺油膩，醮D醋感覺仲鮮！但緊記趁熱食，否則攤耐咗一來皮會變得有少少硬，二來湯汁同肉餡都無咁鮮香；尤其蟹粉，凍咗會有D腥添！所以，哩到就「咋咋淋」食咗去，唔好你讓我讓食剩件擺到尾，盞嘥晒！紹興醉雞 - 睇番各方食評，有讚有彈，睇哩有可能依道菜嘅水準好飄忽，咁小弟今晚好彩D，酒味無問題，幾香，唔過重，雞肉唔算得超滑，但無嚡口，而且雞皮又爽爽哋，皮下脂肪唔多，好食！糟汁靚鴨舌 - 每舊鴨舌有番咁上下大，糟汁（浸過糯米酒的酒渣）引發出嘅酒味，食起哩竟然帶點甜味，鴨舌皮肉爽口，係個治口痕嘅前菜小食。紅燒牛肉湯麵 - 湯底睇樣就超濃，嗒落都肉味甚重，絕對真材實料；紅燒牛肉夠晒牛肉味，炆得夠腍夠鬆化，少少辣；麵質就無咩特別。不過我哩碗得4件牛腩，仲要賣到$58碗，好食但唔值，行勻香港地大把好食過佢但又平過佢嘅本地薑麵鋪啦，所以賣到咁嘅價錢，真係唔需要係度食！ 排骨湯麵 - 另一個唔需要係係度食嘅貴價麵，排骨即係炸豬扒，確實幾大塊，但味道普通，無乜個性，而且有D實，唔夠鬆，佢比牛肉湯麵平少少，但都要賣成$48一碗。 傳統千層油糕（$36）、赤豆鬆糕（$36）、八寶飯（$38）  - 飯後甜品試咗哩幾款，失望之餘兼呻笨，千層油糕一客得個兩件賣成$36，橫睇掂睇除咗好多層之外，無乜味道，無鬆糕咁軟熟，又唔似酒樓點心個隻千層糕咁有蛋香；而另一款赤豆鬆糕，都係一客兩件賣成$36，係細細個隻喎，糕身唔覺佢璧，無乜米香，赤豆又唔覺咩味，唉，嘥錢叫添；至於個細八寶飯，好彩叫個細啫，賣相幾靘五顏六色，之不過真係過甜，話八寶好似用8種香谷和果實哩做，但睇番依個八寶飯，就覺得有少少行貨，有紅棗、有蓮子、又有少少乾果放晌面就係咁，齊唔齊八寶真係大疑問，總之賣到$38就唔抵食囉！
|
比台灣鼎泰豐出色
26/05/2010
是日佛誕, 在同屋企人逛名店街之前, 先來鼎泰豐醫肚
在台灣試過一次鼎泰豐, 給我的印象是『不便宜、皮厚、易穿、唔多汁』, 但身邊朋友統統話台灣鼎泰豐是好味的, 我只好認為自己是黑仔一名, 當天師傅情緒病發作, 先煮得唔好 返黎香港, 今次係第二食鼎泰豐, 難得係兩次都水準一致, 看來我真的是黑仔王... 是日雖然係假日, 但一點前到竟然唔駛點等位, 還算幸運, 因為屋企人唔多食辣, 所以點左以下菜式: 油豆腐粉絲湯: 我還是第一次食到油豆腐粉絲湯有兩種油豆腐, 一種是正常的豆卜, 另一種則是豆卜中間鑲有豬肉 味道方面唔錯, 難得佢唔油, 而且配料多, 可是當想起配料只是油豆腐+粉絲但要賣$36, 真的有點兒肉赤... 紅燒牛肉湯麵: 有少許辣的一味, 是辣在喉嚨不辣在口, 當你飲少少湯既時候, 湯是到喉嚨才感到辣 同大部份牛肉麵一樣, 牛肉是牛肉+牛筋, 牛肉很"林", 入味之餘不失牛肉味, 可是雖然美味但份量很少... 小籠湯包: 假日供應, 侍應介紹食法有兩種, 一是傳統點醋, 二是混配湯食 (當然可以甚麼也不點照吃啦) 相比起正宗小籠包, 湯包一來到已經有一兩只穿了, 夾上手也是易穿的, 如果你以為細d湯汁會多d, 你會失望, 因為分別不大的 小籠湯包的湯也是上湯, 裡面還有蛋絲, 不過我還是喜歡點醋 / 甚麼也不點, 始終食小籠包是原汁原味在口裡的好, 如果在湯裡已經穿了, 或是外來湯汁溝稀了小籠包湯汁, 那我為何還要吃小籠包? 水晶蝦仁湯麵: 跟水晶一樣很清淡, 六隻蝦份量算是不錯, 筍亦入味, 是喜歡清淡的朋友恩物 排骨蛋炒飯: 這個真是非常好味, 我可以話係因為呢個飯而寫呢篇食評的 (因為太多comment既我會懶得寫, 哈哈) 排骨份量好多, 足夠蓋整個炒飯 (怪不得價錢也是炒飯中第二貴的), 視覺已經贏晒 排骨好薄, 醃得好入味, 面有少許黑椒, 食起上黎更香, 豬扒好林好鬆, 煎亦火喉剛好 炒飯炒得乾身, 蛋花足, 米粒炒的粒粒分明, 連豬扒食真是令人不自覺地要encore! 特色小籠包: 跟台灣的相比, 香港的真的好多了... 不過要評分, 我還是喜歡吃翡翠的, 肉汁不及翡翠多, 皮也沒翡翠的薄, 不過鼎泰豐的小籠包也是在我心目中的三甲 飽腹一輪之後, 準備逛名店街, 亦就因為香港鼎泰豐, 下次再到台北, 我會再嘗一次鼎泰豐的
|
|
服務可嘉
28/04/2010
Dinner@鼎泰豐，服務唔錯。
19:15去到，要排18張細檯； 不過因為願意搭檯，所以唔使5分鐘就可以入座。 而其它同檯客，唔係國語，就係英文。 蟹粉小籠包6粒(HK$68)：以前食過普通版，完全唔值；今次食蟹粉版，反而覺得都幾抵玩，因為唔少蟹膏，又香，正~ 白灼白菜(HK$40)：略貴 煙燻魚(HK$48)：略硬，不過味道唔錯 擔擔麵(HK$30)：麵質幾好，但個醬過濃 茶錢HK$5一個，一o的都唔平； 不過一來o的侍應好勤力，一舉手即到； 又會不斷加水，更會主動換茶葉，所以都滿意。
|
|
個蝦仁炒飯好正~
04/04/2010
放工同個FD,去食DINNER,都幾多人等位,原以為要搭台,不過好彩唔使。
我地兩個女仔,叫左個小籠包,一個蝦仁炒飯,再加一個菜肉雲吞, 個蝦仁炒飯好好味,d蝦仁好大隻,個飯又炒得好乾身,又唔會太咸,味道剛剛好。最好食係呢個。 而個菜肉雲吞都ok....唔係話特別好食~ 反而個小籠包無想像中咁多汁...唔.....唔通我期望過高?? 埋單差唔多$190....都okay 既~坐得都幾舒服。同埋keep住有人幫你斟茶,服務都幾好。~^^~ 有機會會再食佢個炒飯~yummy~~~
|
|
傳說中的台灣小籠包
12/03/2010
我和朋友就是為了小籠包而來的，進店後馬上點了小籠包，還有小籠湯包、紅燒牛肉湯、葱蛋炒飯、担担麵、炸醬麵。
看上來的小籠包汁非常味美、皮薄餡多。果然名不虛傳，是否因為這家是台灣的直接經營，所以品質還是有保証的。小籠湯包反而做得不好，不推薦給大家，肉少汁少。58元/12个，雖然聽起來好像很不錯，但是小湯包也太不像樣了。 紅燒牛肉湯很鮮味，牛肉軟綿，正啊； 葱蛋炒飯，米飯粒粒分明，嚼起來很有口感，哈哈，很好吃； 担担麵，担担麵就很一般啦!還有肉酱面。 推薦炸醬麵，肉多，味道也不錯。入口比担担麵好。
|
|
同台灣一樣，但貴好多
08/02/2010
8點去文化中心睇李雲迪+港樂，所以6:15PM就去到尖沙咀食飯，希望食餐好D，又唔會太趕嘅，之後可以好好欣賞李雲迪嘅風采。前年去台北食過鼎泰豐，印象唔錯，見尖沙咀有，老公提議去呢度。
6點15分去到仲有好多位，不過呢度好大，都已經唔少客人。坐底即落ORDER，有張紙仔俾你TICK點心，選擇唔算好多，我地叫左流不息 1.水晶肉($45)，得12舊，味道唔差，但都係唔及川滬小廚。 2.蟹粉小籠包($68)，有6個，皮都薄，有汁，但唔算多，唔係好食到蟹粉味，不過都算香甜美味。 3.炒菜($38?)，幾爽脆，新鮮，油左少少。 4.素菜包、菜肉包(每個$15，各叫左一個)，普通，皮都幾軟熟，餡都OK。 5.蝦仁炒飯($68?)，都好味，不過好細碟，一D都唔抵。 6.乾拌蝦肉雲吞($48?)，都有7-8粒，個汁好特別，味道都唔錯。 7.紅燒牛肉麵($58?)，D牛腩牛筋好腍，味道亦好，湯底好味，麵亦幾好。 基本上樣樣同响台北食嘅時候感覺差不多，有特色，好味，但最唔好係少同貴，4個人食左$376，茶錢每位5元，仲要加一，所以成$110個人，實在唔抵，而且仲唔係話好飽，只係啱啱好。 不過今次揀得啱，果度地方寬敞，4人枱好闊，坐得舒服，4得唔會太飽，之後去聽CONCERT就VERY GOOD！
|
|
依然繁忙的非繁忙時間
13/12/2009
一個OT的晚上，下班飄洋到尖沙咀跟媽媽姐姐吃晚飯。差不多十時了，剛想到還未到訪的鼎泰豐，心想十時應該不用排隊吧~接待的姐姐說還可以入座，十時半last order，但十一時才關門，那時間其實是充裕的，想也沒想就進去了。
經過門口的大金魚缸，一路的店員不論待應還是傳菜的姨姨，都是很有禮貌的歡迎著我們，媽媽說有點受不來，畢竟和其他食肆比較，他們是禮貌得有點太過:p但我是十分欣賞的! 坐下來，看看餐牌便點餐了，想吃的已經記著了好久~而在十時的鼎泰豐，還是坐滿客人的，怎麼會這樣旺場?? 落了單，不消一會食物就陸續到來 *小籠包(6隻)：滿有期望的，充滿湯汁又不油膩，但包皮是很易穿的呢，黏上筷子已經差不多穿了.. *擔擔麵：份量不多，店員細心的問我們是否要剪開，見我們放著未吃就提我們要乘熱拌好才好吃，服務是抵讚的~擔擔麵的醬麻醬很濃，媽媽不太喜歡，我就覺得十分香濃~但麵條較稔，上海婆婆的比這裡做得好~ *排骨蛋炒飯：份量極少，三人應該分不了一整碗飯。排骨其實是豬扒，滿滿的蓋著蛋炒飯，很有油水很吸引呀!吃起來肉質鬆化，好像吃棉花呢!而蛋炒飯是圓圓的飯粒，炒飯沒有平日吃的夠鑊氣，但炒得飯粒分明，加上調味出色，不過咸但十分香口，這味炒飯絕對吃得過! *菜肉雲吞湯：忘記了它的正確名字…一碗好僕有六只雲吞的，皮算薄但餡只是普通，而作為一個湯，我喝到的是味精湯呢…大家吃了雲吞就放棄了這碗味精水.. *荔芋小籠包(6隻):在豆沙和荔芋中間選了特別些的後者，熱辣辣的咬一口，芋蓉沒有豆沙的甜，但質感十分幼滑，又是好吃的一味 吃罷這餐飯，大家都覺得好壞參半，最讚的還是服務，但如果要我排隊的話，未必會再來了
|
|
小選擇
18/07/2009
13/7 六個人去了鼎泰豐食晚飯，該店不設訂位服務，入座起計個半小時後要交枱，的確有很多食客外外面等位。透明廚房內有很多點心師傅，樓面也有很多侍應，他們沖茶收碟很快，所以食得較匆忙，食物方面選擇較其他上海店少，有點美中不足。
蟹粉小籠包 – 要襯熱食，裡面有湯溢出，也睇到裡面有蟹子 鹵水牛肚 – 牛肚切得薄薄，很爽，凍食okay 上海燻魚 – 很新鮮，不太乾 槽汁鴨舌 – 有酒味，好特別，鴨舌很爽好味 紅油抄手 – 不太辣 台式酸辣湯 – 多料 油豆腐粉絲湯 – 尚可 蝦仁雞蛋炒飯 – 蝦大大隻，飯也炒得夠乾身 荔芋小包 HK$33, 6個 – 小包細細粒，但已很好味，一定要熱食，外層的皮是小籠包的皮，所以很薄，裡面的荔芋很香很滑不太甜不，食完想再食。
|
|
開飯啦
09/06/2009
去澳門旅行見到有鼎泰豐分店.. 但左睇右睇得個牌似.. so決定返香港先食番間堅既.. 一行四人叫左六樣野..
四喜烤夫($28) - 麵根夠入味.. 雲耳夠爽口.. 台式擔擔麵($30) - 無食.. 特式小籠包($48) - 唔夠熱.. 但勝在多汁.. 可以一口一個.. 夠"的適".. 糯米燒賣($48) - 皮好似厚左少少.. 但都好味.. 排骨蛋炒飯($55) - 排骨夠香夠入味.. 又大塊.. 蛋沙飯清清地唔油.. 正!!! 荔芋小包($33) - 無食.. 茶位五蚊連加一.. 全餐$288.2
|
|
Service 好, 地方舒服, 食物一般啦
17/02/2009
昨天約了friend 食咗個 late lunch, 因為怕等位囉, 去過台灣嗰間舊鋪, 地方窄窄但小籠包真係冇得頂, 跟住去過黄埔嗰間所以都唔敢expect TST 呢間有好大驚喜!
一上到去2个笑容甜美的知客好有禮貌地帶位, 好鐘意間鋪好光猛, 又唔逼, 坐得好舒服, 因我入座時已 1:45pm, 見d客走, d staff 就 90度躹晒躬, 嘩以為食日本嘢添! 講返d 食物, 豬扒麵d豬扒好夠味, 但如果再煎香d同冇咁油, 同埋唔好放埋落湯就最好! 至於小籠包 ($48 半打) 都好味但同台灣嗰籠差咁d, 但又唔知係乜, 可能是旅行時嗰份輕鬆同愉快的感覺! 蒸素餃 ($50 半打) 菇未太搶菜味唔夠! 如果唔駛排隊等就食得過!
|
|
值得一試
06/01/2009
講了整整一個學期，還是要等到final結束后先來食；等的時間愈耐，期望值愈高，所幸是即使如此，它都沒有令我失望呢。
特色小籠包：既然“特色”，當然不可錯過。湯汁飽滿鮮美，肉餡細致入味，皮薄又滑，不負美名。 蝦仁燒賣：喜歡燒賣有口感韌韌的外皮。可惜蝦仁低調，入味不足；肉餡過于強勢，整件下去有點肥膩。 荔芋小包：皮超薄，內里的荔芋餡飽滿細膩，有少少的甜與油香提味，值得推薦。 杏仁豆腐：冰冰爽爽最適合夏日食，豆腐鮮滑頗入杏仁香，汁更是甜美冰涼，十分爽口。 蒜蓉油麥菜：菜入口頗脆口，一點油膩感都沒有，如蒜蓉味再重些會更好。 蝦仁蛋炒飯：炒飯很干身，香口卻不覺油膩；蝦仁也落得大方，可惜不夠鮮，似乎炒飯也不太需要它的陪襯。 講到服務，更是體貼熱忱到令我“不好意思”，在香港不是很高級的餐廳都可以又有如此專業貼心的服務，可惜如是換了內地，多數情況都是角色對調，賣的橫買的忪…
|
|
食物滿意, 服務九流
06/01/2009
上星期六看完電影約5時, 想起鼎泰豐這個時間應不用等位, 就去了吃小籠包, 去到果然立即有位, 就點了一些前菜和小籠包.
這個時間店裡只有八成滿, 前菜和小籠包十分鐘內送到, 之後再點了一客餛飩和小食. 上菜快, 但竟然薑絲都欠奉 (雖然好吃的小籠包不一定要有薑絲). 之後吃餛飩, 我剛放下湯匙, 服務嬸嬸就忙不迭的問也不問就將我的餐具收去 (友人仍未吃完), 連墊枱紙也一併收去 (晚飯時間的 "效率" 可能更高), 本來還想點油糕, 但嬸嬸既然這樣落力 "趕客", 我們也樂意 "成全" 吧. 
|
|
台灣好味d
20/12/2008
因為試過台灣個個好好味.. 所以決定唻呢間試下.. 睇下有咩分別.. 去之前再望望呢間有咩好味.. 所以我就叫左一杯凍豆漿(淡左d)同下列食物勒... ...
一.. 糯米燒賣 -- 好味呀.. 真係皮薄"咸"靚.. 有驚喜.. 二.. 排骨炒飯 -- 睇食評個個都話好味.. 但我就覺得豬扒真係幾香.. 應該試下.. 但個飯就普通.. 多油左d.. 三.. 鮮肉小籠包 -- 幾好味喎.. 同台灣比就係差d.. 不過都幾好味.. ^^ 四.. 油豆腐粉絲湯 -- 淡.. 一個字淡.. 唔.. 會唔會再唻呀.. 或者呢.. 但有得揀.. 就當然去台灣個間啦~~~ 但不得不提佢地d service真係好好.. 見我熱即刻奉上一杯冰水.. 連wc都有人隨時清潔.. gd!!!
|
|
會再黎
15/12/2008
之前淨係試過一次紅磡果間, 呢間未試過, 今次同人打賭輸左要請人食飯 (原本食利苑), 特登黎到所以點都要排。見佢大排長龍以為要等好耐, 原來唔係喎, 都係等15分鐘左右。
叫左5樣野 特色小籠包-食完蟹粉小籠包再食佢就覺得無咁鮮味, 但都係皮薄餡靚  蟹粉小籠包- 好鮮味但唔膩, 話佢皮薄餡靚可能你會話我行, 但呢個的確係事實 水晶肉 - 無"金滬亭"做得咁好食, 但都算唔錯 紅燒牛肉面 - 想食番去台灣食牛肉面的滋味所以點左呢個面。牛肉炆得好腍, 好入味, 入口即溶, 但加左牛根, 唔正宗。而且湯底有少少辣, 同响台灣既唔同。價錢$58亦有少少貴。不過咁, 論味道佢係好好食既, 比起响尖咀一間自稱牛肉面專門店既好食。 蝦仁蛋炒飯- 呢個頗油膩, 而且食到有鹽粒未炒開, 唔...少少失敗。但有好多隻新鮮大蝦都幾甜幾好味。 要一提的是, 呢度既服務真係一流, 服務生個個都好有禮, 廁所有呀嬸响度幫手亦好清潔, 今時今日呢d服務响香港真係好難見到啊!!!!!!!!! 雖然呢餐要我請, 但都食得好開心。下次會再黎。
|
環境:整潔優雅,但較少大枱(即8人或以上的枱),輪候大枱的時間會較長
服務:職員親切有禮,看見你在等候時,會主動把餐牌拿來給你看,讓你先研究一下有甚麼好吃,免得入座後把時間耗在討論吃甚麼上,盡量爭取時間吃吃吃+吹水(笑)
食物:可供選擇的食物不多,不設常見的雞絲粉皮,生煎包,五花腩肉等
我們分別點了:
冰鎮涼瓜
上海燻魚
紹興醉雞:比王家沙的好吃,不像王家沙那兒的燻蹄似的味道
台式酸辣湯
蟹粉小籠包x2:皮厚肉小
清炒芥蘭
酸菜肉絲湯麵:賣相+味道一般
台式擔擔麵:花生醬不太重,讓我這個討厭花生醬的人很愛這麵
排骨蛋炒飯:排骨炸至鬆軟,炒飯粒有點像吃珍珠米,讚!
台式麻醬撈麵:個人認為味道與擔擔麵吃來差不多
迷你芝麻包:三款包都是新鮮出爐,包軟餡熱,正
迷你壽包
迷你荔芋包
每碟食物的份量都是偏向女士型的,此店並設有茶位$6@,埋單約$900多
個人認為,此店食物味道一般,雖說是常見的名店效應,但一試無妨－－畢竟,別人的話都只是參考,最重要是自己親身經歷過(笑)