 |
 芝士以外
04/10/2010
灣仔這一間新記，是尖沙咀新記的分店，也是我地lunch經常幫襯的地方。
芝士麵之前食過，感覺沒尖沙咀的出色，是芝士不夠濃？還是芝士不夠香？兩者皆是，但價錢，反而是灣仔這一間比尖沙咀的便宜。雖然也是偏貴的，一碗豬頸肉芝士麵，賣$3x，吃不飽，經常吃的話真的會破產。 反正不比尖沙咀好味，所以，來這裡我只常叫午餐，最常叫的是煎雙蛋煙鴨胸飯。 太陽蛋煎得靚，從未見過爆蛋，蛋味香，吃得出是靚蛋；鴨胸有五至六塊，不算很肥；豉油汁帶甜味，是類似瑞士汁的，只賣$29，這個價錢還包熱飲，質素價錢灣仔算便宜了。 芝士麵不是不好吃，但偶一為之，會更為珍惜呢。
|
 又濃又膩！
15/06/2010
其實我未正式在食店坐低食過芝士撈公仔麵的。
跟食友專兄說起，原來在外國人或內地人眼中，連芝士撈公仔麵都變了「香港菜」。是日去188掃game，行過這裡，見其將「芝士撈公仔麵」也擺了上招牌，就抱著好奇的心態來一試。 午市這裡也人頭湧湧，不過一個人也較容易「涉位」的，很快便可以坐下了。 芝士一埋溶掉在面，吃一口，是卡夫芝士，幾香口，也算推得不算杰身，也不錯。不過加上即食麵，吃多幾口難免又濃又膩，年紀大了，吃不消，成個下午也怪難受的。不過是非戰之罪，芝士撈丁就是這樣濃膩，所以就算不對口味，但平情而論，味道是不錯的~~如果頂得住的話。 要了煎蛋雞翼作配料，煎蛋是溏心的，抵讚。不過加上芝士及即食麵，就變成更膩了。雞翼其實是雞中翼切件的雞球，煎得香口。不過個人而言，喜歡吃原隻雞中翼多一點。 坐在路口的長長窄檯的一邊，左閃右避的，也要食得幾有技巧。 連凍飲一杯，埋單36蚊，喜歡芝士撈公仔麵的可以一試。
|
|
芝士汁撈麵
06/10/2009
見到新記.. 見到芝士麵.. 唔通同尖咀一樣??? 即刻試試.. 自己叫左個芝士汁雞扒煙肉撈公仔麵配熱肧芽好立克($32+3).. 男朋友叫蜜汁龍鬚公仔麵配凍檸水($34+2)..
芝士汁幾香幾滑.. 聽聞用兩種芝士配製.. 而自己就聞到好香既車打芝士味.. 雞扒去皮夠細心.. 煙肉唔鞋.. 配上公仔麵唔會死咸.. 好美味.. 肧芽好立克勁多肧芽.. 比起自己沖仲好飲.. 魷魚鬚有嚼感.. 唔會太硬.. 不過覺得蜜汁配公仔麵略為甜左少少..
|
我係為食鬼一名 , 一坐底睇左個餐牌幾吓都係唔好煩啦 , 因我看到價目表 , 叫咩食都係差不多 $40 幾元埋單 , 唔好諗就叫左佢的 鎮店之寶 " 豬頸肉芝士撈 , 人地就食撈公仔麵而我就喜歡食鏍絲粉 ( 因本人對通粉的類別特別喜歡 ) 來到買相麻麻 一 堆芝士汁 , 跟住我就撈一撈混佢先 , 樣子就好睇好多啦 , 食落佢的芝士汁應該有再加調味料 , 因為有 D 咸 , 豬勁肉就唔係太鬆化 , 不過佢的鏍絲粉都拾得都適中所以都配合到不太難食都 OK , 但我加左 $9 的青檸柑桔梅蜜就真係唔係好得啦 !! 完全無青檸味 柑桔味又麻麻地 只係拿粒話梅來食吓就有話梅味囉 , 不過我見到人食 " 魷魚 " 睇落唔錯 , 可能好味 D 啩 , 不過佢地 2 個人都食左幾條就放低