(93)
主題特集星域餐廳酒廊 SkyZone Restaurant and Lounge
| 營業時間 | 星期日至四: 11:30am-01:00pm, 星期五、六及公眾假期：11:30am-02:00am |
| 付款方法 | 現金、信用卡 | 10% 服務費 |
| 外賣 | 提供外賣服務 |
| 訂桌資料 | 可供訂桌 |
| 泊車資料 | 香港柏麗酒店$34 |
| 招牌菜 | 野菌湯、意大利長通粉配燒牛肉及蘑菇、特長燒鴨春卷、白酒煮新鮮青口 |
附近街景
講到明佢又係餐廳，自然有晚餐供應，廚師精選晚餐，頭盤、餐湯、主菜、甜品四道菜，連餐飲，三百幾，視乎揀咩主菜，有段時間佢仲做全單半價優惠，真係好抵，所以為起上哩唔使二百！不過正式用餐區環境就一般D，地方比較細，景觀亦都無咁靚，所以有得揀，就算哩食夜晚飯，盡可能都坐晌酒廊區。
頭盤 - 香煎特級帶子
三粒帶子大大隻，煎得外脆內軟，點住少少牛油汁哩食，感覺更香；墊底嘅薯蓉打得好夠滑，又好有薯味。雖然賣相簡單，但味道得分搶晒點！
餐湯 - 海鮮南瓜湯
麵包籃籃仔細細，竟然有4款包，都係細細件嘅，有脆有軟，各有特色，想點牛油定黑醋橄欖油，悉隨尊便，因為一早預備好晒俾你；南瓜湯，質感幼滑，南瓜味濃，雖然海鮮唔多，但夠精，面面烘脆嘅麵包粒粒，則覺得有D畫蛇添足喇！
主菜 - 天使麵配老虎蝦
天使麵都幾蝦人煮，今次係度食嘅天使麵煮得啱啱好，唔過腍，無糊無漿，配上薄薄香草，點點紅椒粒，令人感到輕盈而清新；老虎蝦夠晒大隻，煎得又香又咬口，都有D彈牙啦；而大磨菇其貌不揚，但菇汁豐盈，菇香四溢，美景佳餚，實在一流！
甜品 – 歐陸芝士餅
實在虎頭蛇尾，之前頭盤、餐湯、主菜都做得咁好，但個甜品只係一道幾普通嘅歐陸芝士餅，查實味道唔係差嘅，芝士味濃郁，又做得夠紮實，上碟賣相都OK，係覺得晌之前幾道菜比較之下，諗住甜品都應該會有多少驚喜，但哩咗一個歐陸芝士餅，覺得佢哋可以仲好D。最後嘆埋杯即磨咖啡，今餐總算有個不錯嘅結局！
後話：
早前想再去試試，原來依家已經轉咗另一套精選晚餐，頭盤二揀一：菠菜沙律配羊奶芝士彧美式科布沙律（名未聽過，問過好似係沙律菜配埋烤雞、脆煙肉、牛油果、雞蛋同藍芝士咁樣），餐湯，雪葩，而主菜都係二揀一：美國安格斯肉眼扒或焗挪威三文魚柳，加選一款配菜如：露笋、燒野菌，甜品就有法式薑汁燉蛋配杏仁餅，包餐飲，睇起哩幾正咁，原價標成$560，有D誇張，但個侍應又話實際做緊推廣價$280，唉，又係D推廣手法嘢，攞哩搞！但加埋一要成三百幾，又真係要考慮考慮吓先。