(118)
主題特集浣紗廚房 WunSha's Kitchen
| 營業時間 | 星期一至六：11:30am-03:30pm |
| 付款方法 | 信用卡, 現金 | 10% 服務費 |
| 訂桌資料 | 可供訂桌 |
| 招牌菜 | 金腿西施蒸蟹鉗、白玉葡萄、煙燻豉油雞、頭鰍油浸黃花魚、網網千斤油琵琶 |
主題特集| 營業時間 | 星期一至六：11:30am-03:30pm |
| 付款方法 | 信用卡, 現金 | 10% 服務費 |
| 訂桌資料 | 可供訂桌 |
| 招牌菜 | 金腿西施蒸蟹鉗、白玉葡萄、煙燻豉油雞、頭鰍油浸黃花魚、網網千斤油琵琶 |
http://hk.myblog.yahoo.com/goodboy_philip/article?mid=38513
好少寫 "必食店" 呢三個字! 食完呢間位於大坑既浣紗廚房, 可以放心大力推介! 中菜少食, 興趣亦唔, 不過呢度既小菜真係好得! 呢間食店係好兒童既好介紹, 好唔好食? 又睇落去?
地址: 大坑浣紗街
香萶皮蛋豆腐: 冰涼滑豆腐皮蛋碎, 包埋生菜包食, 清淡醒胃!
生菜包切成圓形, 幾有美感?
煙燻豉油雞: 真係香噴噴, 燻得唔算燶, 豉油味滲哂入雞皮, 當夾塊雞埋口食既時候, 會聞到好香既煙燻味! 如果雞肉鮮嫩 d 就更好!
鮮拆蟹肉粟米班球: 炸到純白色, 唔係金黃色係咪炸得唔好? 絕對唔係! 先淨食一塊魚, 魚肉厚厚且新鮮, 外層炸得剛好唔油膩, 十級推介!
再黎一塊連埋拆下既鮮蟹肉粟米茸一齊食, 黎! 比碗白飯撈一撈!!!
好味到咀郁郁!
石窩薑蔥桶蠔: 石窩上枱, 又一香噴噴既一味餸, "支支" 聲蔥油爆到飛起, 相機唔可以整太近所以幅相朦朦地, 蠔肥蔥香, 連蔥再來一碗飯!!! 有飽飯食好快樂!!!
你睇我幾大犧牲? 為左影比大家睇, 隻蠔涷左 "一度" 呀! haha...
老陳皮蒸手剁牛肉餅: 好有住家菜既風味, 陳皮又香, 肉餅彈口好好咬, 唔該! 再比多碗飯撈一撈!!!
食飯時候全滿! 所以一定要事先 book 位!
呢間咁好味食店既 "血滴子" 終於收伏左好孩子!
0拿! 我唔係食店既打手 , 老老實實真係覺得好食, 先至將呢間浣沙廚房列入好唔好食? 又睇落去? 必食推介既第一間食店! 食晚飯小菜又有好去處! 門口好多泊車位, 食完仲可以過隔離食糖水 tim!
環境: 3.5 (有卡位有大廳, 裝潢唔老土)
衛生: 3.5
服務: 4 (有禮親切)
味道: 4 (整體質素非常好, 每一味菜都香噴噴, 擺位整潔細心, 味道一流, 就係最老土既一句: 色香味俱全喇!)
價錢: 3 (價錢合理!)
最終評分: 4 必食推介, 一定會再去!
浣紗廚房,大坑浣紗廚房,好孩子,日本,食評,好唔好食,好唔好食又睇落去,東京,煙燻豉油雞