(251)
主題特集利苑酒家 Lei Garden Restaurant
| 簡介 | 供應高級廣東菜，用料、烹調及服務極優質。2010米芝蓮1星級食肆及2009米芝蓮推介食肆 |
| 營業時間 | 星期一至日：11:30am-03:00pm; 06:00pm-11:30pm |
| 付款方法 | 信用卡, 現金 | 10% 服務費 |
| 訂桌資料 | 可供訂桌 |
| 泊車資料 | 洗衣街咪錶 |
主題特集| 簡介 | 供應高級廣東菜，用料、烹調及服務極優質。2010米芝蓮1星級食肆及2009米芝蓮推介食肆 |
| 營業時間 | 星期一至日：11:30am-03:00pm; 06:00pm-11:30pm |
| 付款方法 | 信用卡, 現金 | 10% 服務費 |
| 訂桌資料 | 可供訂桌 |
| 泊車資料 | 洗衣街咪錶 |
附近街景
主題：馬友年尾大團圓
~ 雞骨草煲豬橫脷 ~
一聽到雞骨草, 幾驚係藥材湯呀, 我唔飲濃濃藥材湯架。
呢個湯ok啦, 唔講得上好好味, 不過清清地就o岩我。
最近我迷上了豬骨湯渣, 諗住呢碟湯渣有排我o也啦,
點知枱面放唔晒d餸, 碟湯渣要攞走lu, 好唔捨得。
~ 燒味拼盤 ~
「橡筋」- 第一次聽人叫海蜇做橡筋咋喎。唔夠爽。
燒肉 - 正常囉,
驚我地覺得悶, 想搞點新意, 來個wasabi點醬嗎？
呢到好多日本人黎幫襯的嗎？
個wasabi又唔係好辛辣咋喎,
點醬食反而有點到喉唔到肺既感覺。
义燒 - 唔肥唔瘦, ok啦。
第四樣 - 應該係皮膚敏感不宜食, 我無食, 問其他人味道如何好了。
~ 醬油脆皮燒雞 ~
有骨的部分, 皮脆肉嫩, 不過欠了點點雞味。
「馬格潑辣星星」星期日吔完佢個壽包屁股, 今日仲肯再呢個雞屁股, 應該唔差卦。
~ 鑊仔牛柳 ~
唔肯定係咪鬆肉粉, 總之都係有陣我唔喜歡的味道, 雖然冧, 仍非我杯茶。
~ 米網蔥爆生元貝 ~
真係食得太忙啦, 我都無留意呢兜野的主角係元貝。
個米網冧既, 仲有陣「益」味咁。
白色一片片係咪白合？有d係苦既。
~ 砵酒焗加拿大生蠔 ~
電視機都識唱啦：朱古力奶要有齊朱古力味+牛奶味架嘛
呢個菜無酒味, 蠔味都唔特出囉。
我仲好怕食炸麵粉的...
食咗幾啖, 畀我諗到做生菜包, 話我用手食無儀態都係咁話, 當生菜包食, 好食好多, 即刻好容易就可以扮到個食得好滋味的樣出黎啦。
~ 金柱野菌田園青蔬 ~
菇菇我最愛啦, 都甜甜地喎。
如果無估錯, 應該係皇帝菜, 似淡味唐蒿。好爽, 好爽, 好爽。
翠綠色好開胃。
我雖然唔鍾意唐蒿味, 不過呢個爽的程度, 好到令我唔介意個唐蒿味, 係咁食囉。
~ 麵醬油墨菜~
我唔多喜歡油墨菜, 不過呢個都好味。
~ 蒜蓉西蘭花 ~
凍晒的西蘭花, 淡荗荗無咩味......
~ 生炒糯米飯 ~
完全食唔到係炒既 唔通廚房水浸？
~ 脆麻花 ~
個樣幾靚呀, 真係好脆, 與西多的糖漿味好似, 可惜非我杯茶。
~ 蛋白杏仁茶 ~
熱騰騰食, 好香的杏仁味。
我唔愛杏仁味, 都覺得佢正。
~ 楊枝甘露 ~
唔得啦, 忙果肉無咩忙果味, 碗野明明好白吓但無奶味,
成安街一家小店, 灣仔小甜甜的楊枝甘露都好過佢。
唉, 應該因為d餸一早煮定好晒, 好快咁出晒黎, 枱面都唔夠位放, 所以亦凍得好快, 滋味程度勁減分, 再加埋因為d餸快凍要快快默默食, 與我一向奉行的慢食配合唔到, 失分。
如果想食到熱騰騰好好味的餸, 可能只適合三數人一起開飯？
服務：
侍應好識做, 主動畀碟餸我地映完相, 才幫我地分餸。
又會幫我地攞相機映團體相, 甚至識得自己睇番映得好唔好, 佢自己唔滿意要再來一張。
還好, 飯後唔駛趕住走。
老人家講吓校服誘惑, 型人講吓型車......hehehaha又一晚。